ກ່ຽວກັບ Cofrance SARL (AVIAV TM)

Cofrance SARL (AVIAV TM) ​ແມ່ນ​ນາຍ​ໜ້າດ້ານ​ການບິນ​ທີ່​​ໄດ້​ຮັບ​ການກໍ່​ຕັ້ງ​ຂຶ້ນ​ໃນ​ເມືອງນິສ (Nice)​ ມາ​ໄດ້​ຫຼາຍກວ່າ​ສິບ​ປີຜ່ານມາ​ແລ້ວ. ​ໃນ​ປັດຈຸບັນ, ບໍລິສັດ​ສັນຊາດ​ຝຣັ່ງນີ້ມີຫ້ອງການຕົວ​ແທນ ​ແລະ ດຳ​ເນີນ​ທຸລະ​ກິດ​ຢູ່​ໃນ 117 ປະ​ເທດ.

ຂົງ​ເຂດ​ຄວາມ​ຊ່ຽວຊານຫຼັກຂອງ​ພວກ​​ເຮົາ: ການບິນທາງທຸລະ​ກິດ, ການ​ແພດ ​ແລະ ການ​ຂົນ​ສົ່ງ​ສິນຄ້າ​ທາງ​ອາກາດ. ພວກ​ເຮົາ​ໃຫ້ການ​ບໍລິການ​ຕໍ່​ໄປ​ນີ້:

  • ການ​ເຊົາ​ເໝົາ​ລໍາ​ເຮືອບິນ ​ແລະ ​ເຮ​ລິ​ຄອບ​ເຕີ;
  • ການ​ຂາຍ, ການ​ຕົບ​ແຕ່ງ​ຕາມ​ຄວາມ​ຕ້ອງການ​ຂອງ​ລູກ​ຄ້າ ​ແລະ ການ​ສ້າງ​​ເຮືອບິນ;
  • ກາ​ນຈັດການ​ທາງ​ການ​ຄ້າ (ການ​​ສະໜັບສະໜູນ ​ແລະ ການ​ບໍາລຸງ​ຮັກສາ​ເຮືອບິນ ​ແລະ ​ເຮ​ລິ​ຄອບ​ເຕີ);
  • ປະກັນ​ໄພ​ເຮືອບິນ ​ແລະ ຍານ​ອາ​ວະ​ກາດ,
  • ການ​ສະໜັບສະ​ໜູນ​ດ້ານ​ກົດໝາຍ (ການ​ແກ້​ໄຂ​ຂໍ້​ຂັດ​ແຍ່ງ​ສຳຄັນ​ທີ່​ກ່ຽວຂ້ອງ​ກັບ​ສະໜາມ​ບິນ ​ແລະ ສາຍ​ການບິນ);
  • ການ​ໃ​ຫ້ຄຳ​ປຶກສາ​​ໂດຍ​ຜູ້​ຊ່ຽວຊານ​ການບິນ.

Cofrance SARL (AVIAV TM) ດຳ​ເນີນ​ງານ​ໃນ​ຫ້າ​ທະ​ວີ​ບ. ​ໂດຍ​​ເປັນຜູ້​ປະກອບ​ການ​ທີ່​ໃຫຍ່​ທີ່​ສຸດ​ໃນ​ຕະຫຼາດ ບໍລິສັດ​ໄດ້​ສ້າງ​ການ​ຮ່ວມ​ມື​ກັບ​ບໍລິສັດ​​ການບິນ​, ສະໜາມ​ບິນ ​ແລະ ຜູ້​ບໍລິການ​ຂົນ​ສົ່ງ​ທາງ​ອາກາດ​ຊັ້ນ​ນຳ​ຂອງ​ໂລກ; ພວກ​ເຮົາມີ​ການ​ເຂົ້າ​ເຖິງ​ເຮືອບິນ​ຫຼາຍກວ່າ​ໜຶ່ງ​ແສນ​ລໍາ. ພວກ​ເຮົາ​ໃຫ້​ບໍລິການ​ຖ້ຽວ​ບິນ​ທາງທຸລະ​ກິດ, ການ​ແພດ ​ແລະ ການ​ຂົນ​ສົ່ງ​ສິ​ນຄ້າ​ສຳລັບ​ບຸກຄົນ ​ແລະ ອົງການ​ຈັດ​ຕັ້ງ.

Vitaly Arkhangelsky, ຜູ້​ກໍ່​ຕັ້ງ ​ແລະ CEO ຂອງ Cofrance SARL (AVIAV TM), ຢູ່​ໃນ​ທຸລະ​ກິ​ດການບິນ​ມາ​ຫຼາຍກວ່າ 20 ປີ. ຕະຫຼອດ​ໄລຍະ​ເວລາ​ນີ້, ບໍ​ລິ​ສັດ​ຂອງ​ລາວ​ໄດ້​ມີ​ປະສົບ​ການ​ໃນ​ການ​ດຳ​ເນີນ​ງານ​ດ້ານ​ເຮືອບິນ ​ແລະ ສະໜາມ​ບິນ​ໃນ​ເອີຣົບ, ຣັດ​ເຊຍ ​ແລະ ທົ່ວ​ໂລກ. ​ໃນ​ປັດຈຸບັນ, ສຳນັກງານ​ໃຫຍ່ຕັ້ງຢູ່​ໃຈກາງ​ເມືອງ​ນິສ, ຢູ່​ຂ້າງ​ໂຮງ​ແຮມ​ເກົ່າ​ແກ່ Negresco.

ທຸລະ​ກິດ​ປະກັນ​ໄພ ​ແລະ ສິນ​ເຊື່ອ​ໄດ້​ຮັບ​ການ​ຄຸ້ມ​ຄອງ​ໂດຍ​ອົງການ​ພາກ​ລັດ​ຝຣັ່ງ ORIAS (N 14005763) ​ແລະ ມີ​​ໃບຮັບ​ຮອງ ISO 9000. ​ໃນ​ການ​ດຳ​ເນີນ​ງານ​ຂອງ​ຕົນ, ບໍລິສັດ​ປະຕິບັດ​ຕາມຫຼັກການ TQM (ການຄຸ້ມ​ຄອງ​ຄຸນ​ນະພາບທັງ​ໝົດ).

Cofrance SARL (AVIAV TM) ​ແມ່ນ​ສະມາຊິກ​ຂອງ​ສະມາຄົມ​ການບິນ​ທີ່​ຍອມຮັບ​ກັນ​ທົ່ວ​ໂລກ​ຕໍ່​ໄປ​ນີ້:

  • EBAA (ສະມາຄົມ​ການບິນ​ທຸລະ​ກິດ​ເອີຣົບ),
  • NBAA (ສະມາຄົມ​ການບິນ​ທຸລະ​ກິດ​​ແຫ່ງຊາດ),
  • EBAA France (ສະມາຄົມ​ການບິນ​ຂອງ​ຝຣັ່ງ)

– ລະດັບຄຸນ​ນະພາ​ບການ​ບໍລິການ ​ແລະ ມາດຕະຖານ​ຄວາມ​ປອດ​ໄພ​ໄດ້​ຮັບ​ການ​ກວດກາ ​ແລະ ຢັ້ງຢືນ (ຮັບຮອງ) ​ໂດຍ​ອົງການ​ວິຊາ​ຊີບ​ສາ​ກົນ​ຊັ້ນ​ນຳ​ຂອງ​ໂລກ:

  • Wyvern Ltd. (ຜູ້ນຳ​ດ້ານ​ຄວາມ​ປອດ​ໄພ​ການບິນ),
  • ARGUS International (ບໍລິສັດ​ກວດ​ສອບ​ຫຼາຍສັນຊາດ ​ແລະ ຫຼາຍລະດັບ),

– ຜູ້​ເຂົ້າ​ຮ່ວມ​ອັນ​ດັບ​ຕົ້ນ​ໃນ​ງານ​ສະ​ແດງ​ສິນຄ້າ​ສຳຄັນ​​ໃນ​ອຸດສາຫະກຳ​ເປັນ​ເວລາ 7 ປີ,

– ຕອບ​ສະໜອງ​ຂໍ້ກຳນົດ​ສາກົນ​ຂອງ​ອຸດສາຫະກຳ;

– ປະຕິບັດ​ຕາມ​ນະ​ໂຍບາຍ AML ​ໂດຍ​ນຳ​ໃຊ້​ຂັ້ນ​ຕອນ KYC ທີ່​ທັນ​ສະ​ໄໝ.

​ຂໍ້​ສະ​ເໜີ​ໃຫຍ່​ສຸດ​ຂອງ​ພວກ​ເຮົາ​ຖືກ​ປິດ​ຜ່ານ​ວິທີ​ປະຕິບັດ​ທາງ​ກົດໝາຍ​ຊັ້ນ​ນຳ​ໃນ​ລອນ​ດອນ, ປາຣີ, ​ໂຕ​ກຽວ ​ແລະ ວໍ​ຊິງ​ຕັນ. ​ເງິນ​ທຶນ​ລູກ​ຄ້າ​ຖືກ​ຝາກ​ເຂົ້າ​ບັນຊີ​ລູກ​ຄ້າ​ພິ​ເສດ​ຢູ່​ທະນາຄານ CIC Bank ​ໃນ​ຝຣັ່ງ​ໂດຍ​ທີ່ CERES, France ​ເປັນ​ຜູ້​ຄຸ້ມ​ຄອງ​ສະໝຸດ​ບັນຊີ​ທັງ​ໝົດ. Cofrance SARL (AVIAV TM) ມີ​ຄວາມ​ຄຸ້ມ​ຄອງ​ປະກັນ​ໄພ​ມູນ​ຄ່າ 20 ລ້ານ​ໂດ​ລາ​ສະຫະລັດສຳລັບຄ່າ​ສິນ​​ໄໝ​ທົດ​ແທນ​ທາງ​ວິຊາ​ຊີບ.

​ບໍລິສັດ​ໃຫ້ການ​ສະໜັບສະໜູນ​ການ​ເຊົ່າ​ເໝົາ​ລໍາ​ສາຍ​ການບິນ​ເທີນ​ຄີ​ສຳລັບ​ທຸລະ​ກໍາ​ຕ່າງໆ​ທີ່​ຕົນ​ດຳ​ເນີນ. ການ​ບໍລິການ​ທາງ​ອີ​ເລັກ​ໂທຣນິກທີ່​ທັນ​ສະ​ໄໝ​ເຮັດ​ໃຫ້ລູກ​ຄ້າ​ສາມາດມີ​ປະສົບ​ການ​ໃຊ້​ບໍລິການ​​ຈາກ​ທາງ​ໄກ​ໃນ​ລະດັບ​ຄວາມ​ປອດ​ໄພ​ຕາມ​ຄວາມ​ຕ້ອງການ​ຂອງ​ລູກ​ຄ້າ. ຜູ້​ຊ່ຽວຊານ​ອັນ​ດັບ​ຕົ້ນ​ໃນ​ອຸດສາຫະກຳ​ກຽມພ້ອມ​ໃຫ້​ບໍລິການ​ລູກ​ຄ້າ​ຂອງ​ພວກ​ເຮົາ​ຢູ່​ທຸກ​ເວລາ.

Cofrance SARL (AVIAV TM) ​ແມ່ນ​ຄູ່​ຮ່ວມ​ງານ​ທີ່​ຂາດ​ບໍ່​ໄດ້​ຂອງ​ທ່ານ​ໃນ​​ການບິນທາງທຸລະກິດ.